Një 60-vjeçar është plagosur me thikë këtë të mërkurë në Durrës.
Policia njofton se autor është një 45-vjeçar, me probleme të shëndetit mendor, i cili është arrestuar.
I plagosuri, Vangjel Parangona ndodhet në spital, në kujdesin e mjekëve.
“Në lagjen nr. 6, Durrës, gjatë një konflikti për motive të dobëta, shtetasi R. Ll., rreth 45 vjeç (me probleme të shëndetit mendor) dyshohet se ka plagosur me mjet prerës (thikë), shtetasin V. P., rreth 60 vjeç, i cili ndodhet në spital, në kujdesin e mjekëve”, njofton policia.
