Inflacioni për Bankën e Shqipërisë nuk konsiderohet një luftë e përfunduar, edhe pse ky tregues ka rënë në nivelin e 2.2%.
Për këtë arsye, banka qendrore po mban të pandryshuar normën bazë të interesit për lekun.
Zëvendësguvernatorja Luljeta Minxhozi shpjegoi se situata gjeopolitike është ende e pasigurtë dhe tregu i punës po vuan nga ndryshimet demografike.
Këta, shtoi Minxhozi gjatë samitit vjetor të vendeve të rajonit, janë faktorët kryesorë te cilet rrezikojnë që inflacioni t’i rikthehet rritjes.
Ndaj Banka e Shqipërisë po tregohet e kujdesshme për të ulur normën bazë të interesit./vizionplus.tv
