Gëzim Sinomati, 22-vjeçari i ekzekutuar me një plumb në kokë në ballkonin e banesës në Vlorë mbrëmjen e djeshme tronditi jo pak opinionin publik. Deri më tani, policia ka shoqëruar 10-15 persona në komisariat, kryesisht familjarë dhe persona që kanë pasur kontakte me viktimën, por që ende sipas policisë nuk ka dalë asnjë gjë e vlefshme që mund ti ndihmojë në hetimin e ngjarjes.
Gazetarja e Vizion Plus Efrosina Papa raporton se dy janë pistat kryesore, ku mund të zhvillohen hetimet. Së pari ka të bëjë me larjen e hesapeve. Gëzim Sinomati dyshohet të jetë ekzekutuar për llogari të babait Sokolit por nuk përjashtohen as prishje e pazareve të drogës.
Xhaxhait të viktimës Benard Sinomatit vellait të Sokolit në 4 janar 2022 i vunë tritolin pikërisht në një automjet poshtë ballkonit të shtëpisë ku ndodhi kjo ngjarje. Edhe Benardi aso kohe sapo ishte kthyer nga Belgjika. Benard dhe Sokol Sinomati të dy vëllezër figura të njohura për policinë. Viktima 22 vjec nuk ka patur dënime të mëparshme.
Policia ka ngritur postobllok policor në pikat kyce të qytetit por pa mundur të arrestojë apo identifikojë autorët e ngjarjes. Pjesë e kontrolleve edhe strukturat FNSH dhe RENEA./vizionplus.tv
