![Me telefona në timon dhe pa rrip sigurimi, policia gjobit mbi 1900 shoferë “rebelë” në Shkodër Me telefona në timon dhe pa rrip sigurimi, policia gjobit mbi 1900 shoferë “rebelë” në Shkodër](https://www.vizionplus.tv/wp-content/uploads/2023/12/2b6c1f8c-e2b0-49ee-ab78-4710a19f1807-711x400.jpg)
Policia Rrugore e Shkodrës i ka shtrirë kontrollet në të gjithgë qarkun, për të rritur paramentrat e sigurisë.
Përgjatë dy javëve policia ka proceduar në gjendje të lire 3 shtetas për veprën penale “Drejtimi i mjeteve në mënyrë të parregullt”.
Gjithashtu, si rezultat i monitorimit të akseve rrugore të qarkut, janë ndëshkuar administrativisht në total 1926 drejtues mjetesh, të ndarë konkretisht, për shpejtësi tej normave të lejuara, parakalim të gabuar,përdorimi i celurarit gjatëdrejtimit të mjetit dhe mosvendosja e rripit të sigurimit.
Po ashtu, janë ndëshkuar edhe shoferë që kanë ndaluar në kundërshtim me sinjalistikën rrugore. Policia Rrugore e Shkodër, apelon për të gjithë drejtuesit e automjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin dhe të mos drejtojnë automjetin nën efektin e alkoolit apo në gjendje të dehur.
- Janë ndëshkuar 1018 drejtues mjetesh, për qarkullim me shpejtësi tej normave të lejuara;
- Janë ndëshkuar 221 drejtues mjetesh, për parakalime të gabuara;
- Janë ndëshkuar 68 drejtues mjetesh, për përdorim të celularit, gjatë drejtimit të mjetit;
- Janë ndëshkuar 26 drejtues motomjetesh, për mosvendosje të kaskës mbrojtëse;
- Janë ndëshkuar 108 drejtues automjetesh, për mosvendosjen e rripit të sigurimit;
- Janë ndëshkuar 409 drejtues automjetesh, për ndalim ose pushim të automjetit, në kundërshtim me sinjalistikën rrugore.