Gjykata e Posaçme e Apelit për Korrupsionin dhe Krimin e Organizuar ka rrëzuar kërkesës e ish-shefit të Forcave Operacionale Oltion Bisti, për ndryshim të masës së sigurisë. Bisti do të vijojë të qëndrojë në qeli.
Gjykata e Posaçme e Apelit për Korrupsionin dhe Krimin e Organizuar shpalli vendimin mbi çështjen penale nr. 15 akti, datë 28.03.2024 regjistrimi, lidhur me rishqyrtimin e ankimit të personit nën hetim Oltion Bistri., ndaj vendimit nr. 97, datë 29.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar (në lëndë të masave të sigurimit personal), dhe vendosi:
Miratimin e vendimit nr. 97, datë 29.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar për sa ka disponuar për vazhdimin e zbatimit të masës së sigurimit personal “Arrest në burg”, parashikuar nga neni 238 i K.Pr.Penale, caktuar me vendimin nr. 94, datë 23.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar, përkundrejt të hetuarit ankues Oltion Bistri.
Më 27 korrik 2023, me urdhër të SPAK u arrestuarn 6 persona, mes tyre Oltion Bisti.
Gjithashtu në pranga ra drejtuesi i Prokurorisë së Kukësit, Xhevahir Lita, biznesmeni Pëllumb Gjoka dhe shoqëruesi i tij Edmond Preka.
Mes të arrestuarve po ashtu ishte edhe Astmer Bilali, i arrestuar në 2018-n si pjesë e grupit “Bajri” në Shkodër.
Më 31 janar 2024 SPAK sekuestroi 1milionë euro pasuri që i përkisnin Bistrit dhe familjarëve të tij.
Ish-zyrtari i lartë i Policisë së Shtetit, Oltion Bistri ishte “sytë dhe veshët” e biznesmenit Pëllumb Gjoka dhe rezulton gjithashtu i lidhur me personazhe të tjerë të botës së krimit, shumë prej të cilëve tashmë të arrestuar në kuadër të operacionit “Metamorfoza”.
Sipas zbërthimit të komunikimeve nga aplikacioni SKY ECC, Bistri ka patur miqësi të ngushtë me Gjokën, i njohur si i forti i Velipojës i cili ka planifikuar urdhëruar dhe paguar vrasje të disa kundërshtarëve së bashku me Bajrat, Ervis Martinajn, Astmer Bilalin dhe persona të tjerë.
Ish-shefi i Operacionales, Bistri, sipas bisedave në aplikacion me Gjokën, e ndihmonte këtë të fundit të shmangte kontrollet policore në kazinot e tij, kur ato operonin në të zezë./vizionplus.tv
