Djali i ish-kryeminsitrit Sali Berisha, Shkëlzeni ka reaguar pas vendimit të sotëm të GJKKO-së. Pëermes një statusi në Facebook, Shkëlzen Berisha tha se kjo ishte “kartolina e Ramës për Vitin e Ri”.
“Kartolina e Ramës për Vitin e Ri është arrestimi dhe izolimi i liderit të opozitës!”, shkruan ai.
GJKKO vendosi sot masën e sigurisë “arrest shtëpie” për ish-kryeministrin, i cili përveç se duhet të mbyllet në shtëpi nuk duhet të komunikojë edhe me të tjerë përveç familjarëve.
Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai, ndërkohë që siç mëson Vizion Plus, është njoftuar edhe Drejtoria e Krimit Ekonomik në Policinë e Shtetit. /vizionplus.tv
