Drejtoria e Forcës së Posaçme Operacionale ka finalizuar operacionin e koduar “Operacionalja 74” dhe ka vënë në pranga një 43-vjeçar me qëllim ekstradimin në Itali.
Sipas njoftimit, u arrestua shtetasi Elvis Ziu alias Renato Ziu banues në Fier.
Ky shtetas ishte shpallur në kërkim ndërkombëtar pasi Gjykata e Cantalissetta, Itali, me vendimin e datës 01.09.2025, i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Grupi i strukturuar kriminal”.
Interpol Tirana, në bashkëpunim me Interpol Romën, do të kryejë procedurat për ekstradimin e këtij shtetasi, në Itali.
