Bashkëpunimi i vendeve të rajonit është shumë i rëndësishem, tha kreu i qeverisë, Edi Rama, gjatë fjalës së tij në Samitin e liderëve që po mbahet sot në Mal të Zi.
Rama: Duhet ta bëjmë pjesëmarrjen tonë, në politikën e sigurisë më domethënës. Duhet të jemi pjesë e instrumenteve që kanë të bëjeni me sigurinë kibernetike. Do vazhdojmë bashkëpunimin rajonal dhe zotohemi për këtë. Për Shqipërinë, nuk është e kaluara që duhet ta kontrollojnë të ardhmen, por e ardhmja duhet ta kontrollojë të kaluarën.
Ai theksoi se shtetet e Ballkanit Perëndimor nuk duhet të bllokojnë veten e tyre me çështjet bilaterale, por të bashkëpunojnë për integrimin drejt Bashkimit Evropian.
Rama: Dëshirojmë të shihemi si shtete anëtare sa i përket sjelljeve dhe përsëri vazhdojmë të bllokojmë vetveten. Kjo nuk ka kuptim. Kjo është e pakuptimtë. Duhet ta lëmë politikën dhe çështjet dypalëshe jashtë kësaj hapësire, Sido që të jetë,nëse bëjmë gjithçka në mënyrën e stilit evropian kjo do të lehtësojë atmosferën për të gjithë në mënyrë që të merren me çështje dypalëshe. Unë besoj se deri në takimin e Sarajevës, minsitrat tanë integrimit evripian dhe të financave duhet të vijojnë të punojnë për nismat që synojnë të na integrojnë në tregun e përbashkët. Na duhet që të nisim një dialog politik me komisionin dhe shtetet anëtar për të përfituar një status të ri për partnerët. Vendet që negociojnë duhet të kenë hapësirë në Evropën politke, për tu përfshirë si vëzhgues në të gjithë mekanizmat e nivelit politk dhe mekanit të BE.
