Xhelal Rraja, vëllai i ish-deputetit socialist Rrahman Rraja u vë në pranga këtë të mërkurë, pasi rezultonte i shpallur në kërkim nga SPAK.
Ai kthye në të kërkuar të drejtësisë pasi rezultoi të jetë organizator i një atentati që kishte si objektiv eliminimin e ish-deputetit socialist, Arben Ndoka.
Xhelal Rraja akuzohet se është pjesë e grupeve të Durim Bamit e Endrit Dokles, ndërsa mbante nën survejim Arben Ndokën. Ky i fundit, sipas hetimeve, ishte planifikuar të vritej teksa do të ikte për ngushëllim në Rrugën e “Elbasanit”, pasi kishte vdekur një gjyqtar nga Lezha.
Plani dështoi pasi Arben Ndoka, ndonëse ruhej prej disa ditësh nga ata që donin ta eliminonin, pasi nuk u paraqit aty ku pritej.
Nga ana tjetër, Ndoka po ashtu kërkohet nga drejtësia, pasi akuzohet se kishte kërkuar të vriste Durim Bamin, pasi dyshonte se ishte i implikuar në vrasjen e vëllait të tij Aleksandër Ndoka.
