Një aksident automobilistik është shënuar mëngjesin e kësaj të shtune në Rrugën e Kombit. Disa makina dhe një kamion janë përplasur me njëra-tjetrën.
Sipas raportimeve ka mbetur i plagosur një djalë nga Tropoja i cili është dërguar për ndihmë mjekësore në spitalin e Traumës në Tiranë.
Për shkak të aksidentit është bllokuar njëri krah i rrugës. Policia ndodhet në vendngjarje për të kryer veprimet hetimore dhe ndihmuar për të liruar trafikun./vizionplus.tv
