Një person ka mbetur i lënduar si pasojë e një aksidenti të ndodhur mëngjesin e sotëm në aksin Lezhë-Shkodër, pranë fshatit Gocaj.
Mësohet se një automjet ka dalë nga rruga dhe është përplasur me barrierat anësore.
Për pasojë ka mbetur i plagosur drejtuesi i mjetit, i cili është dërguar me urgjencë për ndihmë mjekësore në spital.
Ndërkohë, policia e cila ka mbërritur në vendin e ngjarjes, ka nisur hetimet për zbardhjen e shkaqeve dhe rrethanave të këtij aksidenti./vizionplus.tv
