Dy persona kanë mbetur të lënduar lehtë si pasojë e një aksidenti të ndodhur ditën e sotme në aksin Dimal-Kuçovë. Mësohet se një makinë tip “Mercedes Benz” është përplasur kokë më kohë me një makinë tip “Nisan.”
Si pasojë mjetet janë shkatërruar plotësisht në pjesën e përparme.
Dy drejtuesit e mjeteve, të cilët kanë mbetur të lënduar kanë marrë ndihmën e parë mjekësore në spitalin e qytetit të Kuçovës, ndërkohë që në vendin e ngjarjes kanë shkuar efektivë të policisë së qarkullimit rrugor.
Policia po kryen këqyrjen e vendit të aksidentit për të përcaktuar dinamikën e saktë. Paraprakisht dyshohet se shkak është bërë një parakalim i gabuar./vizionplus.tv
