Një aksident është regjistruar këtë të dielë në Gjoricë të Bulqizës, ku kanë mbetur të plagosur 6 persona.
Mësohet se dy automjete janë përplasur në rrugën e Arbrit në Gjoricë, duke shkaktuar dëme materiale dhe plagë të rënda tek disa nga të aksidentuarit.
Dy nga të plagosurit janë dërguar për trajtim në Tiranë, ndërsa 4 të tjerët po marrin ndihmë mjekësore në spitalin e Dibrës.
Grupi hetimor është nisur drejt vendit të ngjarjes për të përcaktuar shkaqet e aksidentit.
/vizionplus.tv
