Grupi i njohur “Rebelde Way” kishte planifikuar që të ngjitej në skenë me dy koncerte që ishin paraparë të mbaheshin në Izrael, mirëpo shkaku i luftës që ka nisur mes Izraelit dhe grupit militant të Hamasit, është vendosur që të shtyhet.
Ani pse nuk ka ndonjë datë të mundeshme Pirou Saenz, i cili ishte edhe pjesë e grupit dhe është drejtor i bendit, ka thënë se shumë shpejt do të konfirmohen datat.
Dy koncertet e mëhershme ishin planifikuar për 25 dhe 27 prill, transmeton gazeta online Reporteri.net.
Kthimi i bendit ishte konfirmuar në fillim të vitit.
“Jemi shumë të lumtur të njoftojmë bashkimin tonë. Rebelde Way në Izrael, pas 20 vjetësh”, kishte njoftuar Saenz.
Pjesë e bendit padyshim se janë Benjamin Rojas, i cili kishte luajtur rolin e Pablos në serinë argjentinase.
Pjesëmarrjen e kishte konfirmuar edhe Felipe Colombo, i cili luajti personazhin e Manuelit, por do të mungonte Luisana Lopilato.
Në koncertet e planifikuara për muajin prill, pritej të merrnin pjesë 150 mijë persona.
Lufta në Lindje të Mesme pamundëson rikthimin e grupit “Rebeldeway” pas 20 vjetësh / shkruan Gazeta Online Reporteri.net.
