Zjarri shkatërrimtar në Kaliforni nuk ka kursyer as lagjen ku jetonin disa nga yjet e njohur të Hollivudit.
Numri i të vdekurve nga zjarri apokaliptik ka arritur tashmë pesë, ndërsa zjarrfikësit ende luftojnë me kushtet e ferrit në vijën e parë në të paktën pesë vatra të ndryshme.
Shtëpitë e aktorëve Anthony Hopkins, John Goodman dhe Miles Teller janë ndër më të shkatërruarat, ndërsa dhjetëra yje të tjerë janë në ankth dhe po ‘luftojnë’ për të shpëtuar shtëpitë e tyre ose sendet me vlerë brenda banesave.
Duket se zjarri po del jashtë kontrollit, ndërsa të famshmit po humbasin vilat e tyre miliona dollarëshe.
John Goodman
Shtëpia e aktorit të dashur John Goodman u përpi nga zjarret. Nga vila duken vetëm rrënojat dhe pishina e tij e cila ka mbetur e mbushur me ujë të ndotur.
Anthony Hopkins
Edhe shtëpia e Anthony Hopkins është zhdukur, tregojnë fotot shkatërruese të publikuara nga Daily Mail. Nuk ka mbetur asgjë nga pasuria e fituesit të Oscar. Pemët të cilat dikur ofronin privatësi janë djegur tërësisht. Deri të mërkurën pasdite, zyrtarët nuk kanë dhënë një vlerësim të strukturave të dëmtuara ose të shkatërruara nga zjarri, por ata thanë se të paktën 100,000 banorë ishin nën urdhrat e evakuimit dhe gati 30,000 struktura ishin nën kërcënim. Të paktën 100,000 njerëz të tjerë janë paralajmëruar se duhet të konsiderojnë evakuimin.
Miles dhe Keleigh Teller
Ylli i Maverick, Miles Teller dhe gruaja e tij Keleigh blenë shtëpinë e tyre të ëndrrave për 7.5 milionë dollarë në prill 2023. Shtëpia tani është shkrumbuar plotësisht. Pamjet tronditëse tregojnë se një makinë e parkuar në rrugë ishte gjithashtu plotësisht e djegur.Keleigh ka shpërndarë disa foto në Instagram gjatë natës, e para ishte një foto dramatike e zjarrit me një emoji duke qarë, dhe e dyta duke u kërkuar të evakuuarve të linin tasa me ujë në rrugë për kafshët ndërsa shpëtonin. Çifti nuk ka komentuar ende për humbjen e shtëpisë së tyre.
Eugene Levy
Shtëpia e yllit të American Pie Eugene Levy gjithashtu është djegur plotësisht. Djali i tij Dan Levy shkroi në rrjetet sociale: ‘Jam zemërthyer për familjen time, miqtë e mi dhe njerëzit e LA të prekur nga zjarret katastrofike.’
Billy Crystal
Asgjë nuk ka mbetur nga shtëpia e Billy Crystal përtej fushave të tenisitAi dhe gruaja e tij Janice lëshuan një deklaratë duke konfirmuar dëmet.
“Janice dhe unë jetuam në shtëpinë tonë që nga viti 1979,” shkroi Crystal.
“Ne i kemi rritur fëmijët dhe nipërit tanë këtu. Çdo pëllëmbë e shtëpisë sonë ishte e mbushur me dashuri. Kujtime të bukura që nuk mund të hiqen. “Natyrisht që jemi zemërthyer, por me dashurinë e fëmijëve dhe miqve tanë do ta kalojmë këtë.”
Adam Brody dhe Leighton Meester
Rezidenca prej 7 milionë dollarësh e aktorëve Adam Brody dhe Leighton Meester është ndër 1000 strukturat që janë shkatërruar për shkak të zjarreve. Çifti bleu shtëpinë me pesë dhoma gjumi në vitin 2019, por fotot tregojnë se prona tani është përfshirë nga flakët.
Ylli i The Nobody Wants This, 45, dhe aktorja e Gossip Girl, 38, u fotografuan për herë të fundit në publik në Golden Globe Aëards të së dielës, më pak se dy ditë para se të shpërthyen zjarret. Ata jetonin në shtëpinë 6000 metra katrorë me dy vajzat e tyre të vogla.
Anna Faris
Në mënyrë të ngjashme, vendbanimi ekologjik i aktores Anna Faris prej 5 milionë dollarësh u shkatërrua plotësisht nga zjarri.
Paris Hilton
Rezidenca bregdetare e Paris Hilton në Malibu u shkatërrua gjithashtu .
Zjarret arritën në Malibu të martën mbrëma, ndërsa zjarri u përhap me një shpejtësi të paparë. Kjo rezidencë ishte një nga shtëpitë e saj të pushimit.
Shtëpia e mëparshme e Matthew Perry
Shtëpia ku vdiq tragjikisht ylli i Friends, Matthew Perry, është brenda zonës së shkatërruar të evakuimit të Pacific Palisades, sipas Realtor.com. Shtëpia u ble nga një zhvillues i pasurive të paluajtshme për 8.5 milionë dollarë vetëm muaj më parë.
Lagjja e Hollivudit shkatërrohet nga zjarri në Kaliforni, pamjet e vilave miliona dollarëshe të shkrumbuara nga flakët / shkruan Gazeta Online Reporteri.net.
