Zëvendësdrejtori i Burgjeve, Femi Sufaj, ka konfirmuar në një intervistë se i dënuari me burgim të përjetshëm, Laert Haxhiu, është takuar me modelen nga Kosova, Ziza Pajaziti.
Ai theksoi se takimi ka ndodhur, por ka qenë i shkurtër dhe është zhvilluar në dhomat e vizitave, pasi modelja është regjistruar si e afërme.
Sufaj mohoi që të ketë raste të tjera të ngjashme me vajza të ekranit që vizitojnë të dënuarit. Ai sqaroi se gjatë muajit qershor janë zhvilluar rreth 100 takime intime në burgje, të gjitha sipas ligjit, vetëm me bashkëshortet apo bashkëjetueset e të burgosurve.
Në lidhje me rastin Haxhiu, janë marrë masa administrative nga Drejtoria e Burgjeve.
Konfirmohet takimi “intim” i Ziza Pajazitit me të dënuarin me burgim të përjetshëm? Zv.drejtori i Burgjeve jep detajet / shkruan Gazeta Online Reporteri.net.
