Ministrja e Shëndetësisë Albana Koçiu ka lajmëruar me anë të një postimi në rrjetet sociale, se aktori i njohur Reshat Arbana i është nënshtruar një ndërhyrjeje kirurgjikale, që ka pasur sukses.
Ajo ka njoftuar se gjendja e tij shëndetësore aktualisht është e mirë.
“Aktori i njohur dhe shumë i dashur për të gjithë, Reshat Arbana, iu nënshtrua një ndërhyrje të vështirë, por me sukses falë profesionalizmit të mjekëve tanë”, shkruan Koçiu.
Postimi i plotë:
Aktori i njohur dhe shumë i dashur për të gjithë, Reshat Arbana, iu nënshtrua një ndërhyrje të vështirë, por me sukses falë profesionalizmit të mjekëve tanë.
Ekipi mjekësor kreu ndërhyrjen përmes një terapie moderne të insufciencës kardiake, duke vendosur tre sonda elektrike në zemer që realizon sinkronizimin e tkurrjes së muskulit të zemrës në tërësi dhe që përmirëson funksionin e zemrës dhe cilësinë e jetës.
Ndërhyrja delikate u realizua nga ekipi i mjekëve kardiologë dhe infermierore të Spitalit Universitar Nënë Tereza, Dr. Shk. Ormir Shurdha, Dr. Mirald Gina dhe infermiere Antuela Shkëmbi dhe Xhoana Xhanaku.
Aktori i njohur Reshat Arbana i nënshtrohet një ndërhyrje të vështirë kirurgjikale, e kalon me sukses / shkruan Gazeta Online Reporteri.net.
