Mungesa e vitaminave në organizëm mund të shoqërohet me simptoma dhe shqetësime të ndryshme shëndetësore.
Vitaminat dhe mineralet me të rëndësishme, për të cilat turpi ka më shumë nevojë ndërsa plakeni dhe burimet më të mira:
Kalciumi
Pjesa më e madhe kalciumit merret nga kockat, të cilat e marrin atë nga ushqimi. Ai ndihmon muskujt, nervat, qelizat dhe enët e gjakut të punojnë siç duhet.
Gratë mbi 50 vjeç dhe burrat mbi 70 vjeç duhet të marrin rreth 20% më shumë se të rriturit e tjerë.
Qumështi, kosi dhe djathi janë burimet më të mira.
Vitamina B12
Kjo vitaminë ndihmon në prodhimin e gjakut dhe qelizave nervore, por ndërsa plakeni trupi mund ta ketë të vështirë ta përthithë atë.
Vitamina B12 merret natyrshëm nga ushqimet shtazore si mishi, peshku, vezët dhe bulmeti, por edhe nga suplementet dhe drithërat e mëngjesit.
Vitamina D
Vitamina D ndihmon muskujt, sistemin imunitar dhe atë nervor të funksionojnë siç duhet. Me kalimin e moshës, trupi e ka më të vështirë t’i konvertojë rrezet e diellit në vitaminë D.
Burimet të mira ushqimore të saj janë salmoni dhe sardelet.
Vitamina B6
Trupi e përdor atë për të luftuar mikrobet dhe për të prodhuar energji.
Mëlçitë, peshku dhe drithërat e mëngjesit janë një burim i lehtë dhe i lirë i tyre.
Magnezi
Ndihmon trupin të prodhojë proteina, forcon kockat dhe mban sheqerin në gjak të qëndrueshëm.
Mund të merret nga arrorët, farat dhe zarzavatet me gjethe jeshile, por edhe suplementet.
Probiotikët
Këto baktere të mira merren zakonisht nga ushqimet e fermentuara si kosi ose lakra turshi.
Ato mund të ndihmojnë me problemet e tretjes, madje mund të mbrojnë edhe kundër alergjive.
Omega-3
Këto acide yndyrore quhen “thelbësore” sepse trupi nuk mund t’i prodhojë.
Ato janë të rëndësishme për sytë, trurin dhe mund t’ju ndihmojë në mbrojtjen kundër sëmundjeve të lidhura me moshën si Alzheimer, Artriti etj.
Burime të mira janë ushqimet si peshku, arrorët ose farat e linit.
Zinku
Ndihmon dhe lufton infeksionet dhe inflamacionet, gjithashtu mund të mbrojë shikimin.
Gocat e detit janë burimi më i mirë, por mund të merret nga viçi, gaforrja dhe drithërat e mëngjesit.
Seleni
Mbron qelizat nga dëmtimet dhe infeksionet dhe ndihmon me funksionimin e tiroides.
Mjaftojnë vetëm një ose dy arra braziliane në ditë për të korrur përfitimet prej tij.
Kaliumi
Kaliumi luan rol pothuajse në gjithçka brenda trupit, duke përfshirë zemrën, veshkat, muskujt dhe nervat.
Kajsitë e thata, bananet, spinaqi, qumështi dhe kosi janë burime të mira.
Folati
Kjo formë natyrale e vitaminës B9 gjendet tek zarzavatet me gjethe jeshile, arrorët dhe fasulet.
Folati ndihmon në rritjen e qelizave dhe mund të mbrojë kundër goditjes në tru dhe kancerit.
Fibrat
Fibrat ndihmojnë në mbrojtjen kundër goditjeve në tru, me punën e sistemit tretës, ulin kolesterolin dhe sheqerin në gjak.
Ato mund t’i gjeni tek drithërat e plota dhe tek perimet. /Agroweb
Vitaminat dhe mineralet më të rëndësishme për trupin gjatë plakjes / shkruan Gazeta Online Reporteri.net.
