Prej më shumë se 5000 vitesh pihet në Kinë dhe kohët e fundit çaji jeshil është bërë i njohur edhe në vendin tonë, për shkak të efekteve të dobishme në organizëm.
Për përgatitjen e çajit përdoren gjethe që përmbajnë vaj esencial, polifenole, aminoacide , tanine, minerale (alumin, mangan, fluor) dhe vitaminë C.
Përmirëson kujtesën
Pirja e çajit jeshil mund të përmirësojë ndjeshëm funksionin e trurit. Nëpërmjet një sërë eksperimentesh, studiuesit zbuluan se përbërësit e çajit jeshil, si katekinat dhe kafeina, kanë një efekt pozitiv në kujtesën dhe vëmendjen duke i përmirësuar ato, sipas një studimi të kryer nga një ekip ekspertësh nga Spanja.
Studimi zbuloi se konsumimi i rregullt i çajit jeshil mund të sigurojë gjithashtu mbrojtje kundër sëmundjeve neurodegjenerative, duke përfshirë Alzheimer dhe Parkinson. Antioksidantët e pranishëm në çajin jeshil ndihmojnë në reduktimin e stresit oksidativ dhe inflamacionit në tru, të cilat dihet se kontribuojnë në këto kushte.
Përshpejton humbjen e peshës
Dihet tashmë se çaji jeshil ndihmon në humbjen e peshës . Hulumtimet kanë konfirmuar këto pretendime, pasi është treguar se kombinimi i katekinës dhe kafeinës mund të nxisë metabolizmin dhe të përmirësojë djegien e yndyrës. Përfshirja e çajit jeshil në një dietë të shëndetshme mund të nxisë humbjen e peshës.
Mjafton një filxhan në ditë, ky çaj shkrin dhjamin e barkut dhe përmirëson kujtesën / shkruan Gazeta Online Reporteri.net.
