Ndërsa sëmundjet e zemrës vazhdojnë të jenë një nga sfidat më të mëdha për shëndetin publik në Shqipëri dhe në botë, ekspertët e ushqyerjes po theksojnë gjithnjë e më shumë rëndësinë e dietës së shëndetshme si një mënyrë e fuqishme për parandalimin e tyre.
Sipas dietologëve, ushqimet që konsumojmë luajnë një rol kyç në shëndetin e sistemit kardiovaskular. Produktet e pasura me fibra, yndyrna të shëndetshme dhe antioksidantë mund të ndihmojnë në uljen e kolesterolit, tensionit të gjakut dhe inflamacionit – faktorë të njohur që rrisin rrezikun për sëmundje të zemrës.
Ushqimet që rekomandohen për një zemër të shëndetshme përfshijnë:
Peshku i yndyrshëm (si salmoni, sardelet) – i pasur me omega-3 që ndihmon në uljen e rrezikut të infarktit.
Frutat dhe perimet e freskëta, (si boronicat, spinaqi, karrotat) – të mbushura me vitamina, minerale dhe antioksidantë.
Vajrat bimore si vaji i ullirit ekstra i virgjër – që përmban yndyrna të mira dhe ka efekt mbrojtës ndaj enëve të gjakut.
Drithërat integrale (si tërshëra, buka e zezë, orizi kaf) – ndihmojnë në kontrollin e kolesterolit dhe të sheqerit në gjak.
Frutat e thata (si bajamet, arrat, lajthitë) – të pasura me yndyrna të pangopura dhe magnez, të cilat forcojnë zemrën.
Ndërkohë, ekspertët këshillojnë shmangien e ushqimeve të përpunuara, të skuqura dhe të pasura me kripë apo yndyrna të ngopura, të cilat ndikojnë negativisht në shëndetin e zemrës.
Dietat që rekomandojnë ekspertët për një zemër të shëndetshme / shkruan Gazeta Online Reporteri.net.
