Kur vjen vjeshta, ditët zbehen, temperaturat bien dhe trupi ndjen mungesë energjie. Në këtë periudhë, nuk na bëjnë mirë dieta ekstreme apo produkte të rralla, ama natyra vetë ka ç’ të na ofrojë: ushqime, ngjyra dhe shije, që hidratojnë trupin dhe mendjen.
Këto 7 ushqime sezonale janë të pasura me vlera ushqyese që përforcojnë sistemin imunitar, përmirësojnë humorin dhe na ndihmojnë të përballojmë vjeshtën me energji:
1. Kungulli
Kungulli është mbret i sezonit vjeshtor. Ai përmban shumë beta-karoten, i cili në trup shndërrohet në vitaminë A. Ajo mbron lëkurën dhe ndihmon sistemin imunitar. Është ushqim i lehtë, të jep ndjesi ngopjeje dhe mund të përgatitet në shumë mënyra si supë, pure, në tigan apo edhe i pjekur.
2. Shega
Shega është një aleat i fuqishëm: antoksidant, antinflamator dhe me vitaminë C. Këto fara të kuqe ndihmojnë në mirëqenien e zemrës dhe qarkullimit të gjakut, dhe ndihmojnë për të luftuar radikalet e lira që mund të dëmtojnë qelizat.
3. Kërpudhat
Me ardhjen e motit të ftohtë, kërpudhat bëhen më të pranishme në tryezë dhe me të drejtë. Ato janë një nga pak burimet bimore që përmbajnë vitaminë D, një vitaminë që bëhet më e nevojshme kur dielli është më pak. Gjithashtu përmbajnë minerale si selen dhe zink, që ndihmojnë në luftimin e lodhjes dhe forcimin e imunitetit.
4. Gështenja
Gështenjat janë të ëmbla, ushqyese dhe pa gluten. Ato përmbajnë shumë fibra dhe karbohidrate komplekse, që ofrojnë energji të qëndrueshme dhe ndihmojnë që niveli i sheqerit në gjak të mos ndryshojë befas. Janë një nga ushqimet tradicionale të vjeshtës që sjellin ngrohtësi dhe nostalgji.
5. Mollë dhe dardhë
Këto fruta klasike janë të thjeshta, por të fuqishme. Janë të pasura me fibra dhe antioksidantë, që ndihmojnë në pastrimin e organizmit dhe në rregullimin e sheqerit në gjak. Janë ideale për një mëngjes të lehtë dhe për të filluar ditën me energji.
6. Bajamet
Nga fruta të thata, bajamet janë një burim i mirë energjie dhe përqendrimi. Ato përmbajnë omega-3, magnez dhe vitaminë E të gjitha të rëndësishme për funksionin e trurit dhe për të luftuar ndjenjën e lodhjes mendore. Një pakicë e vogël çdo ditë mund të bëjë diferencë.
7. Kanella
Kur mendon për stinën e vjeshtës, aroma e kanellës shpesh të kujton ëmbëlsira, por ajo është shumë më tepër. Kanella ka veti antoksidante dhe antibakteriale, ndihmon tretjen dhe ndihmon të kontrollosh nivelet e sheqerit në gjak, duke reduktuar urinë e papritur.
