Më 5 nëntor, qielli i natës do të ndriçohet nga “Hëna e Kastorit”, një superhënë që do të shfaqet më e madhe dhe më e ndritshme se zakonisht.
Kjo është superhëna e dytë e vitit, dhe sipas astrologëve, pritet të sjellë energji të fuqishme që do të ndikojnë në mënyrë të veçantë tek disa shenja të zodiakut.
“Hëna e Kastorit” formohet në shenjën e demit, e sunduar nga venusi, duke vënë në qendër të vëmendjes stabilitetin, sigurinë materiale dhe kënaqësitë tokësore. Por, kjo periudhë do të shoqërohet edhe me kombinime planetare të ndërlikuara, të cilat mund të sjellin përplasje emocionesh, pasione të forta dhe tensione të brendshme.
Demi (20 Prill – 20 Maj)
Kjo superhënë bie pikërisht në shenjën tuaj dhe për ju shënon një pikë kthese të madhe personale. Është koha të hiqni dorë nga gjithçka që nuk ju shërben më dhe të përqafoni ndryshimin. Në marrëdhënie, mund të ketë të vërteta që dalin në dritë ose emocione të forta që çojnë drejt një fillimi të ri.
Binjakët (21 Maj – 20 Qershor)
Universi po ju fton të bëni një ndalesë për reflektim të brendshëm. Ndoshta do të përballeni me ndjenja të vjetra apo sekrete që kërkojnë zgjidhje. Kjo është periudha për të pastruar mendjen dhe për t’u përgatitur për vendime të rëndësishme që do të ndikojnë rrjedhën e muajve në vijim.
Akrepi (23 Tetor – 21 Nëntor)
Energjia e kësaj Hëne të plotë prek drejtpërdrejt jetën tuaj sentimentale. Për ata që janë në marrëdhënie, mund të vijë një periudhë e intimitetit të ringjallur, ose, në disa raste, një fund që hap një fillim të ri. Beqarët mund të tërheqin një lidhje të fortë, magnetike dhe transformuese, që mund t’u ndryshojë jetën në mënyrë të papritur.
