E premtja e tretë e marsit i kushtohet gjumit. Këtë vit, kjo e premte është 15 mars, pra sot. Qëllimi i Ditës Botërore të Gjumit është të rrisë ndërgjegjësimin e publikut për rëndësinë e gjumit për shëndetin tonë dhe pasojat e pagjumësisë.
Kur marrim parasysh provat e reja se kohëzgjatja mesatare e gjumit është ulur me dy orë në botën perëndimore në 50 vitet e fundit dhe sa serioze janë efektet e kësaj uljeje, kuptojmë pse është e nevojshme Dita Botërore e Gjumit. Një përqindje e madhe e njerëzve tani flenë më pak se shtatë orë, që konsiderohet minimumi për të parandaluar problemet shëndetësore nga mungesa e gjumit.
Theksohet se gjumi, së bashku me ushqimin, ujin dhe frymëmarrjen janë nevojat themelore të trupit tonë dhe privimi afatgjatë prej tij është një faktor i rëndësishëm rreziku për një gamë të gjerë sëmundjesh, duke përfshirë sëmundjet kardiovaskulare, kancerin, demencën dhe diabetin.
Lexoni për pesë fakte të çuditshme rreth gjumit që mund të mos i keni ditur dhe herën tjetër që dëshironi të shikoni një episod të serialit tuaj të preferuar në telefonin tuaj dhe të shkoni në shtrat më vonë, mendoni seriozisht përsëri.
1. Njeriu është i vetmi gjitar që e vonon qëllimisht gjumin e tij.
2. Njerëzit kalojnë 1/3 e jetës së tyre duke fjetur (përqindja varet nga mosha e personit, por mesatarisht është kjo).
3. Spazmat dhe “rëbiet” pak para se të biem në gjumë quhen “spazma hipnagogjike” dhe askush nuk mund të thotë me siguri pse ndodhin.
4. Pothuajse 1 në 4 çifte të martuara flenë në shtretër të veçantë dhe sipas këtij trendi në Tik Tok kjo ndihmon.
5. Rekordi për periudhën më të gjatë pa gjumë është 11 ditë. Randy Gardner e mban rekordin që nga viti 1964. /vizionplus.tv
