Kryeministri Xhaferi drejtoi urime ndaj ambasadores Larson Xhein për anëtarësimin e Mbretërisë së Suedisë në NATO dhe i dorëzoi letër urimi drejtuar Kryeministrit suedez Ulf Kristerson. Me këtë rast, theksoi se me këtë akt historik, Aleanca bëhet më e madhe dhe më e fortë, e me këtë edhe siguria e përgjithshme transatlantike, njoftojnë nga shtypi i qeverisë.
Duke i uruar mirëseardhje Suedisë në NATO, Xhaferi theksoi se nga ky moment, aleatët vazhdojnë të ecin së bashku drejt përforcimit dhe zgjerimit të familjes së përbashkët euroatlantike.
“Në kushte kur bota përballet me siguri të çrregulluar dhe me sfida për vlerat dhe parimet demokratike nga ana e aktorëve autoritarë, çdo përpjekje e përbashkët është kontribut në ruajtjen e stabilitetit dhe sigurisë”, tha Xhaferi.
Ambasadorja suedeze Xhein, shtojnë nga atje, falënderoi për urimet dhe për mbështetjen e fuqishme dhe të gjerë të pranuar nga Qeveria dhe Kuvendi i Republikës së Maqedonisë së Veriut në procesin aderues. Drejtoi mirënjohje të veçantë për Xhaferin, i cili edhe në funksionin paraprak të Kryetarit të Kuvendit edhe në atë aktual të Kryetarit të Qeverisë, dha kontributin e vet personal në proces. Si përgjigje, theksoi se Suedia do të jetë partner i fuqishëm dhe stabil në Aleancë dhe aleat i besueshëm i Maqedonisë së Veriut./Telegrafi/
Xhaferi-Larson Xhein: Me anëtarësimin e Suedisë, NATO bëhet më e madhe dhe më e fortë, me këtë edhe siguria e përgjithshme transatlantike appeared first on Telegrafi.
