Në një intervistë në emisionin “Top Tema” në Televizionin Telma, Ministra e Punës dhe Politikës Sociale, Jovanka Trençevska, ka theksuar se Maqedonia e Veriut është vendi i vetëm në rajon ku dialogu social është i gjallë dhe marrëveshjet kolektive realizohen nëpërmjet tij.
“Dy javë më parë, në një konferencë në Budapest ku ishin të pranishme vendet nga Ballkani Perëndimor, ne përcaktuam se jemi i vetmi vend ku marrëveshjet kolektive realizohen përmes dialogut social. Si shtet, çdo gjë që bëjmë, që është në interes të qytetarëve, kalon përmes Këshillit Ekonomik Social. Në vitin 2023 janë mbajtur më shumë se 12 seanca dhe kjo është konfirmim se dialogu është respektuar dhe falë tij është miratuar Marrëveshja e Përgjithshme Kolektive”, tha Trençevska.
Ministrja gjithashtu informoi për rritjen e pagës minimale që pritet të ndodhë në shtatorin e vitit 2024 dhe metodologjinë e re për pagesën, e cila do të varet nga paga mesatare dhe koeficientët. “Kur ndryshuam Ligjin për pagën minimale, sindikatat e mirëpritën këtë zgjidhje. Sipas ndryshimeve, në mars të vitit 2024 paga minimale do të jetë nga 22.500 denarë në 23.000 denarë, dhe nëse e kemi parasysh këtë nga viti 2017, paga do të rritet për 10.000 denarë”, shtoi ajo Trençevska.
Ministrja Trençevska u veçua kompensimi vjetor prej 10.000 denarë, i cili për herë të parë këtë vit u paguhet punëtorëve në sektorin publik. Ajo shpjegoi se një zgjidhje e tillë është mirëpritur veçanërisht nga punëtorët në përkujdesje për fëmijë dhe social, të cilët për herë të parë marrin rekurs dhe theksoi se nga viti i ardhshëm do të duhet të jetë së paku 30% nga paga mesatare. /Telegrafi/
Trençevska: Maqedonia e Veriut është vendi i vetëm në rajon ku dialogu social është i gjallë appeared first on Telegrafi.
