Pavlefshmëria e vendimit të shkarkimit i bën të pavlefshme të gjitha aktet, të drejtat dhe detyrimet e bazuara në aktin e pavlefshëm, ku ndër të tjera përfshihet edhe vendimi për zgjedhjen e kryetarit të ri, reagon Koalicioni “Të gjithë për gjykim të drejtë” pas seancës së 471-të të Këshillit Gjyqësor, në të cilën u pranua dorëheqja e Sashko Georgiev dhe u vendos që Vesna Dameva të kthehet në postin e saj.
“Këshilli Gjyqësor vendosi ndërprerjen e mandatit të Kryetarit të Këshillit dhe zbatoi vendimin e Gjykatës Administrative. Në këtë drejtim, duam të theksojmë se pavlefshmëria e vendimit për shkarkim, i bën të pavlefshme të gjitha veprat, të drejtat dhe detyrimet e bazuara në aktin e pavlefshëm, ku ndër të tjera përfshihet edhe vendimi për zgjedhjen e kryetarit të ri. Pra, është e paqartë se si Këshilli ka konstatuar ndërprerjen e një mandati që konsiderohet se nuk ka filluar kurrë”, thuhet në kumtesën e Koalicionit për seancën e Këshillit Gjyqësor të mbajtur më 3 janar të vitit 2024.
Këshilli Gjyqësor dje në seancën urgjente të 471-të e pranoi kërkesën për dorëheqje të kryetarit Sashko Georgiev dhe sipas aktvendimit të Gjykatës Administrative vendosi që ta rikthejë në detyrë ish kryetaren Vesna Dameva, e cila ishte shkarkuar në maj të vitit të kaluar.
Lidhur me pikën e veprimit pas aktvendimit të Gjykatës Administrative, me të cilчn anulohet vendimi i Këshillit Gjyqësor për shkarkimin e ish kryetares Vesna Dameva, Zendeli tha se duke marrë parasysh këtë aktvendim, mbetet në fuqi vendimi për zgjedhjen e Vesna Damevës për kryetare.
“Duke marrë parasysh aktvendimin e Gjykatës Administrative, konstatojmë se mbetet në fuqi vendimi i Këshillit Gjyqësor për zgjedhjen e kryetares Vesna Dameva nga 5.12.2022. Kryetare e Këshillit Gjyqësor tash e tutje është Vesna Dameva”, tha ai.
Seanca vijoi pas mbledhjes së punës të Këshillit në të cilën u shqyrtua aktvendimi i Gjykatës Administrative me të cilin anulohet vendimi për shkarkimin e Damevës.
Gjykata Administrative dje ka shpallur edhe aktgjykimin në të cilin ndër të tjera thuhet se Këshilli Gjyqësor nuk ka dhënë asnjë arsye të justifikuar për shkarkimin e ish kryetares Vesna Dameva nga detyra, nuk ka deklaruar provat në bazë të të cilave është konstatuar gjendja faktike, sidomos as faktet e vërtetuara, të cilat sipas gjendjes faktike të vërtetuar i referohen miratimit të vendimit për shkarkimin e saj.
Vesna Dameva u shkarkua nga pozita e kryetares së Këshillit Gjyqësor në maj të vitit të kaluar, kur zëvendësi i saj, Selim Ademi, kërkoi votë për shkarkimin e saj. Pas shkarkimit ajo ngriti padi në Gjykatën Administrative.
Ky shkarkim dëmtoi besueshmërinë e Këshillit Gjyqësor, ndaj të cilit pati disa reagime në opinion dhe u dërgua një mision vlerësues nga Bashkimi Evropian, i cili përgatiti 40 rekomandime për përmirësimin e funksionimit të Gjykatës.
“Të gjithë për gjykim të drejtë”: Pavlefshmëria e vendimit për shkarkimin e Damevës, i bën të pavlefshme të gjitha veprimet, të drejtat dhe detyrimet appeared first on Telegrafi.
