Kryetari i Aleancës për Shqiptarët dhe kandidati për president në zgjedhjet e Maqedonisë së Veriut, Arben Taravari tha se zgjedhjet 8 majit janë historike dhe pas 22 viteve, shqiptarët do ndryshojnë pushtetin.
“Në Shqipëri shpesh e përmendi ngjarjen si historike, sikur në vitet 90′-ta në Shqipëri kur ke një pushtet totalitar, pushtet i infiltruar në çdo institucion dhe është histori nëse arrijmë ta bëjmë ndryshimin në kampin politik shqiptar. Unë jam i sigurt se më 8 maj do të ndodhë ndryshimi dhe më 9 maj do të festojmë Ditën e Evropës”, deklaroi Taravari për televizionin “Syri”.
Taravari tha se ideja e atij ka qenë gjithmonë sjellja e ndryshimit te shqiptarët e Maqedonisë dhe se shqiptarët, që nga viti 2011, votojnë kundër BDI-së.
“Shqiptari i Maqedonisë e ka bërë të veten. Prej vitit 2011 voton kundër BDI-së. Në vitin 2011 në Maqedoni kishte tre parti opozitare, PDSH-ja, DR-ja dhe RDK-ja, kurse Ali Ahmeti ishte me partinë e cila ishte në pushtet. Në qoftë se i mblidhni votat e tre partive opozitare shqiptare, kishin më shumë vota se BDI-ja. Në vitin 2016, ne ishim LR-PDSH, bashkë me Besën dhe PDSH-në, kishim shumë më shumë vota se sa BDI. Këtu nuk është faji i qytetarit shqiptar, ai e bën të veten dhe voton kundër BDI-së. Në vitin 2020 sërish në zgjedhjet parlamentare, ASH dhe Alternativa bashkë, PDSH-ja dhe Besa veç, nëse i bashkoni votat janë shumë më shumë se partia e Ahmetit”, tha Taravari.
Sipas tij, tashmë është arritur mrekullia sepse të gjitha partitë politike opozitare shqiptare u bashkuan në një opozitë që quhet VLEN dhe që do ta sjell ndryshimin më 8 maj.
Taravari: Zgjedhjet 8 majit janë historike, shqiptarët do ndryshojnë pushtetin appeared first on Telegrafi.
