MPB-ja informon se këto ditë ka prani të shtuar të zyrtarëve policorë në mbarë vendin, veçanërisht në qytetin e Koçanit dhe rreth objektit të komunës.
Nga MPB thonë se rritja e numrit të punonjësve të policisë është për shkak të kryerjes së punëve zyrtare dhe pajisjes me dokumentacion nga komuna, e jo për të penguar qytetarët në të drejtën e garantuar me Kushtetutë për t’u mbledhur dhe për të mbajtur protestë.
“Apelojmë qytetarët që të gjitha tubimet dhe protestat t’i zhvillojnë në një atmosferë paqësore”, thonë nga MPB.
Nga Gjykata Themelore e Koçanit sot njoftuan se gjyqtari i procedurës paraprake ka caktuar “paraburgim afatshkurtër” prej 48 orësh për ish-ministrin e Ekonomisë Kreshnik Bekteshi, ish-drejtorin e Inspektoratit Shtetëror të Tregut Goran Trajkovski, ish-drejtorin e Drejtorisë për Mbrojtje dhe Shpëtim, Bekim Maksuti, si dhe 11 persona të tjerë të dyshuar për zjarrin në diskotekën “Pulse” në Koçan.
“Gjykata në Koçan pranoi kërkesën e prokurorisë për masën e paraburgimit afatshkurtër për të 14 të dyshuarit. Është shqiptuar masa e paraburgimit në kohëzgjatje prej 48 orësh”, njoftoi mëngjesin e sotëm për AIM nga Gjykata Themelore e Koçanit.
Rritja e numrit të policëve, MPB: Po mblidhen dokumentacione për punën e diskotekës “Pulse” appeared first on Telegrafi.
