Ministri i Vetëqeverisjes Lokale, Zllatko Perinski, tha se me të dyja thirrjet e instrumentit për investime kapitale, numri i projekteve që Qeveria ka miratuar për financim shkon në 1116.
Ai tha se nga thirrja e parë mbi 40 përqind e projekteve tashmë kanë përfunduar ndërsa të tjerat janë në fazë realizimi.
Për këto projekte realizimi financiar është 800 milion denarë, apo vetëm 20 përqind nga vlera e përgjithshme, pasi projektet e përfunduara janë kryesisht më të vogla dhe nuk kapin vëllim të lartë të mjeteve që janë në dispozicion.
“Mbi 40 për qind e projekteve nga thirrja e parë tashmë kanë përfunduar, ndërsa të tjerat janë në fazë të përparuar të realizimit… Ajo që është e rëndësishme të përmendet në këtë moment, është se deri më tani, pjesa më e madhe e projekteve më të vogla ka përfunduar, ndërsa ato me përmasa më të mëdha vijojnë akoma. Realizimi financiar është dikund 20 përqind, por është kështu sepse akoma janë në fazën e ndërtimit projektet e mëdha që praktikisht e kanë vëllimin më të madh të mjeteve që janë në dispozicion”, u shpreh Zllatko Perinski.
Perinski: 40% e projekteve nga thirrja e parë për komunat kanë përfunduar appeared first on Telegrafi.