Ministri i Shëndetësisë, Arben Taravari ka njoftuar sot se nga spitalet e Shkupit për trajtim shtëpiak do të lirohen 12 pacientë nga gjithsej 39 pacientë që po trajtohen në vend pas ngjarjes tragjike në Koçan. Nga ata që po trajtohen jashtë vendit, një pacient pritet të kthehet sot nga Beogradi dhe të vazhdojë trajtimin në Shkup.
Nga pacientët që trajtohen jashtë vendit, katër deri në pesë mbeten në gjendje kritike.
“Fatkeqësisht katër-pesë pacientë janë në gjendje më të rëndë dhe në disa raste ka edhe përkeqësim, por kolegët tanë në spitalet ku po trajtohen këta pacientë po mundohen të bëjnë maksimumin për ta kaluar këtë periudhë të vështirë”, tha Taravari në një konferencë për shtyp.
Nga spitalet në vend, siç theksoi ai, nuk do të ketë pacientë në Repartin e Kirurgjisë Pediatrike, ndërsa mbeten pacientët në Klinikën e Kirurgjisë Plastike dhe në Klinikën e Toksikologjisë. Gjashtë pacientë do të qëndrojnë për trajtim në spitalin e qytetit “Shën Naumi i Ohrit”.
Nga spitalet e Shkupit sot do të lëshohen 12 pacientë, pesë pacientë që trajtohen jashtë vendit, mbeten në gjendje kritike appeared first on Telegrafi.
