Sipas matjeve dhe vëzhgimeve në stacionet meteorologjike në vend, muaji mars i vitit 2025 karakterizohet si shumë i ngrohtë dhe me reshje mesatare deri mbi mesatare, krahasuar me vlerat mesatare shumëvjeçare (1991/2020), kumtoi DPHM-ja.
Temperatura mesatare mujore ka lëvizur nga 3.9°C në Lazaropole deri në 11.3°C në Gjevgjeli. Krahasuar me temperaturat mesatare mujore të marsit për një periudhë tridhjetëvjeçare (1991-2020), ajo e këtij viti ishte 2.4°C mbi nivelin mesatar të vendit.
Temperatura më e lartë maksimale është matur më 15 mars në Manastir dhe ka qenë 28.8 gradë. Temperatura minimale më e ulët gjatë muajit është shënuar në Lazaropole, më 19 mars dhe ka qenë -12.7 gradë.
Në muajin mars të këtij viti, reshjet mujore në vend varionin nga 36 mm në Manastir deri në 132 mm në Mavrovë.
Reshjet ishin shi, breshër dhe borë në male. Sasia maksimale e reshjeve ditore, 41 mm, është shënuar në Gjevgjeli më 30 mars. Në gjashtë ditët e fundit të muajit në disa lokacione në vend kishte stuhi ciklonike me reshje të vazhdueshme efektive dhe të rrëmbyeshme njëditore, të shoqëruara me breshër dhe stuhi.
Në Kodrën e Diellit më 1 mars është matur shtresa më e lartë e dëborës prej 26 cm. Shtresa e dëborës ka qenë e pranishme vetëm në dekadën e parë të muajit. Është vërejtur edhe paraqitje e akullit në periudhën nga 18 dhe 21 mars.
Krahasuar me vlerën mesatare të marsit për një periudhë shumëvjeçare (1991-2020), sasia e matur mujore e reshjeve ishte 38% mbi nivelin mesatar të vendit.
Muaji mars në Maqedoni, me reshje mbi mesataren appeared first on Telegrafi.
