Nëpunës policor kanë shpëtuar katër persona nga një varkë në Liqenin e Ohrit, pasi një pjesë e mjetit lundrues u dëmtua për shkak të kushteve të këqija të motit, kumtoi sot pasdite Ministria e Punëve të Brendshme (MPB).
“Mbrëmë në orën 19:30, në Stacionin policor për mbikëqyrje kufitare – ‘Liqeni i Ohrit’ është raportuar se njerëz nga një mjet lundrues që ndodhej në ujërat e Liqenit të Ohrit, rreth 2.5 kilometra nga bregu i liqenit përballë autokampit ‘Izvidniçki’, kërkojnë ndihmë. Nëpunësit e policisë me një motoskaf zyrtar janë nisur menjëherë drejt lokacionit, ku katër persona u panë në një varkë me vela duke kërkuar ndihmë. Janë ndërmarrë masat e nevojshme dhe personat në mënyrë të sigurt janë transportuar në stacionin e policisë në kanalin e ‘Studençishtës’”, kanë thënë nga MPB-ja.
Në mënyrë të sigurt është nxjerrë edhe varka e cila për shkak të kushteve të këqija të motit me erëra të forta dhe valëve ishte dëmtuar, pasi personi që drejtonte varkën kishte humbur kontrollin e mjetit lundrues.
MPB: Nëpunës policor shpëtojnë katër persona nga një varkë e dëmtuar në Liqenin e Ohrit appeared first on Telegrafi.
