Nesër do të kemi një takim fillestar me partinë politike ZNAM për të parë se cilat janë pritjet, ndërsa sa i përket kandidatëve për kryetar komunash nga radhët e LSDM-së, u uroj fushatë të suksesshme dhe humbje të sigurt në zgjedhjet e ardhshme lokale, tha sot kryeministri Hristijan Mickoski në përgjigje të pyetjes së gazetarëve në lidhje me koalicionin me ZNAM-in në zgjedhjet lokale.
Ai shtoi se Komiteti Ekzekutiv i partisë do të mblidhet të dielën për të raportuar mbi atë që u diskutua.
“Bisedimet me partitë politike nga koalicioni i brendshëm po vazhdojnë, dhe do të fillojnë konsultimet me partitë politike që duan t’i bashkohen OBRM-PDUKM-së për zgjedhjet lokale, në mënyrë që të kemi një qasje sistematike ndaj aktiviteteve.
Kur të kemi më shumë informacion, do ta informojmë opinionin për koalicionet që do të zhvillohen për zgjedhjet”, tha kryeministri Mickoski./Telegrafi/
Mickoski: Nesër kemi takim me ZNAM-in për zgjedhjet lokale, kandidatëve të LSDM-së u uroj fushatë të suksesshme dhe humbje të sigurt appeared first on Telegrafi.
