Afaristi Mendi Qyra do të jetë kandidat i pavarur për kryetar të Komunës së Strugës. Në një video të publikuar në rrjetet sociale, ai kërkon mbështetjen e qytetarëve dhe partive politike.
Qyra thotë se vendimi i tij për të kandiduar për kryetar të Komunës së Strugës nuk është garë për pushtet, por vullnet për ndryshim.
“Nuk është hap që e kam marrë kokë më vete, por më është kërkuar çdo ditë. thirrje nga të rinjtë që duan të jetojnë në vendlindje dhe qytetarët që duan menaxhim me përgjegjësi. Nuk vij si shpëtimtar, pasi Struga nuk ka nevojë për hero, por për punë të ndershme, për guxim që të ndryshojmë atë që nuk funksionon. Vij me vizion të qartë për zhvillimin. Kandidatura nuk është garë për pushtet, por thirrje për bashkim për ata që ndajnë të njëjtën ëndërr për Strugën”, tha Qyra
Ai tha se programi i tij do të bazohet në transparencë dhe drejtësi për të gjithë, zhvillim dhe investim në infrastrukturë, si dhe përfaqësim të ndershëm dhe dialog të hapur me çdo qytetar.
“Ju bëjë thirrje qytetarëve, afaristëve, organizatave joqeveritare, çdo individi, si dhe partive politike që të më mbështesin në kandidaturën tim”, tha mes tjerash Qyra./Telegrafi/
Mendi Qyra shpall kandidaturë për Komunën e Strugës: Ftoj partitë politike të më mbështesin appeared first on Telegrafi.
