Vetëm një ditë pasi ministrja e Energjetikës Sanja Bozhinovska nga radhët e OBRM-PDUKM-së refuzoi t’ia japë mediave dokumentin me të cilin pretendon se ka paraqitur kërkesë për anulimin e shtetësisë bullgare, agjencia bullgare e lajmeve BGNES ka marrë informacione nga burime të Ministrisë bullgare të Drejtësisë se Bozhinovska nuk ka dekret për heqjen e shtetësisë.
Nga aty shtojnë se Bozhinovska ende është shtetase bullgare.
“Ministrja maqedonase e Energjisë Bozhinovska deri më tani është shtetase bullgare. Sipas informacioneve nga burime të agjencisë BGNES, në Ministrinë e Drejtësisë, të cilët dëshirojnë të mbesin anonimë, Bozhinovskës nuk i është lëshuar dekret për lirimin e saj nga shtetësia bullgare. “Ekspertët e Ministrisë së Drejtësisë në Sofje raportuan se procedura për heqjen dorë nga shtetësia bullgare nuk përfundon me paraqitjen e një kërkese”, raporton BGNES.
Në konferencën e djeshme për media, e pyetur nëse me dokumente mund të konfirmojë se nuk është më shtetase bullgare dhe nëse ka vetëdije bullgare, Bozhinovska u përgjigj vetëm se do të konsultohet me një avokat.
Mediat shkruanin për shtetësinë bullgare edhe kur Bozhinovska ishte propozuar për ministre të Energjetikës.
Më pas ajo pretendoi se nuk kishte më nënshtetësi bullgare dhe se e kishte për kompaninë e saj në Kroaci.
Media bullgare tha se ministrja e OBRM-PDUKM-së është shtetase bullgare, Bozhinovska: Duhet të konsultohem me avokatin tim për këtë çështje appeared first on Telegrafi.
