Gjithsej 2954 mërgimtarë tanë janë regjistruar për të votuar jashtë vendit në zgjedhjet e ardhshme presidenciale dhe parlamentare 2024. Nga numri i përgjithshëm i aplikimeve, sipas të dhënave nga uebfaqja e Komisionit Shtetëror të Zgjedhjeve nga mbrëmë, janë pranuar 2610, dy janë të papërpunuara, ndërsa janë refuzuar 342.
Ky numër mund të ndryshojë nëse Ministria e Punëve të Jashtme, më së voni deri më 21 mars, në KSHZ i dorëzon raportet e qytetarëve tanë në përfaqësitë diplomatike-konsullore, sipas orarit për zgjedhje. Megjithatë, është e sigurt se votimi do të organizohet vetëm për zgjedhjet presidenciale pasi nuk ka numër të mjaftueshëm të kandidatëve të regjistruar për zgjedhjen e deputetëve.
Votimi për president më 24 prill dhe për raundin e dytë më 8 maj, në bazë të aplikimeve të pranuara, duhet të organizohet në 24 vende. Për organizimin e zgjedhjeve në një nga përfaqësitë diplomatike-konsullore është e nevojshme të regjistrohen së paku dhjetë zgjedhës.
Kërkesat më të pranuara për votim janë në Gjermani – 578, pastaj në Slloveni – 327, në SHBA – 241, në Zvicër – 182, në Kanada – 122, në Austri – 116, në Itali – 101, në Australi – 97, në Belgjika – 91. Ndër vendet ku ka më pak të regjistruar është Kina ku janë 12 qytetarë të RMV-së që duan të votojnë në zgjedhje.
Zëdhënësja e KSHZ-së, Ljupka Guguçevska, javën e kaluar sqaroi se pa dallim sa aplikime janë pranuarpër votim në diasporë, votimi për zgjedhjet presidenciale do të organizohet, por për organizimin e votimit për zgjedhjet parlamentare është e nevojshme të regjistrohen së paku 5355 votues në të gjithë 52 misionet konsullore apo zyrat diplomatike jashtë vendit.
Siç tha ajo, duke pasur parasysh se presidenti i shtetit zgjidhet sipas sistemit të shumicës në të gjithë territorin e shtetit, si dhe në të gjitha kontinentet ku jetojnë qytetarët tanë dhe konsiderohet si një njësi zgjedhore, zgjedhjet do të organizohen.
Ndërsa për zgjedhjet parlamentare, ajo tha se deputetët zgjidhen edhe në njësinë zgjedhore jashtë vendit sipas modelit proporcional, pra këtu ka një kusht tjetër, si një lloj regjistrimi. Për t’u zgjedhur, një deputet i njësisë zgjedhore 7, duhet të fitojë të paktën të njëjtin numër votash si deputeti me numrin më të vogël të votave në territorin e shtetit të fituar në zgjedhjet e fundit parlamentare.
“Për këto zgjedhje ky numër është 5.355. Pra së paku 5.355 votues duhet të ketë gjithsej të regjistruar në të gjitha 52 përfaqësitë konsullore ose zyrat diplomatike jashtë vendit që të mund, para se gjithash, të organizohen zgjedhje. Ndërsa, gjithashtu, së paku 5.355 votues duhet të votojnë për një kandidat që ai të zgjidhet deputet”, tha Guguçevska./Telegrafi/
Diaspora e Maqedonisë do të votojë vetëm për president, për zgjedhjet kuvendare nuk ka votues të mjaftueshëm appeared first on Telegrafi.
