Deputeti i Të Majtës, Amar Mecinoviq pasdite në konferencë për shtyp theksoi se me votimin e interpelancës për punën e kryetares së Komisionit për politikë sociale, demografi dhe rini, Ilire Dauti, është shkëputur një hendek i madh rreth Ligjit për mbrojtësit, i cili është parashruar, pastaj bllokuar përmes këtij Komisioni.
Mecinoviq potencoi se shkaqet për bllokimin e Ligjit janë të qarta. Siç thksoi ato janë shkatërruese dhe jo sipas rregullores.
Ai theksoi se tani përgjegjësia i përket shumicës e cila duhet të votojë për kryetar të ri të Komisionit për politikë sociale, demografi dhe rini.
“Shpresoj se shumica do të japë inkurajim që ta zhbllokojë këtë proces dhe të miratohet Ligji, e jo të lihen precedentë, që e favorizojnë vullnetin e kryetarëve të komisioneve. Përgjegjësia tani i përket shumicës. Topi është plotësisht tek shumica, e cila në të vërtetë duhhet të votojë për kryetar të ri të Komisionit që të vazhdojë puna në ritmin e duhur të ngjarjeve”, tha ai.
Mecinoviq dërgoi apel deri te deputetët e LSDM-së që të zgjohen, nga siç tha, gjumi i dimrit dhe të fillojnë ta përcjellin luftën e opozitës, të cilën E Majta e zhvillon në Kuvend.
Deputetët pasdite me 61 vota “pro”, 22 “kundër” dhe asnjë abstenim e mbështetën interpelancën e kryetares së Komisionit për politikë sociale, demografi dhe rini, Ilire Dauti, të cilën e ka dorëzuar E Majta. Kuvendi konstatoi se pretendimet në interpelancën e punës së Dautit janë të bazuara.
Mecinoviq: Shumica duhet të votojë për kryetar të ri të Komisionit për politikë sociale, demografi dhe rini appeared first on Telegrafi.
