LSDM në një kumtesë për media thotë se Qeveria e udhëhequr nga OBRM-PDUKM dhe Ministri i Brendshëm Pançe Toshkovski nuk po ndërmarrin asnjë veprim në lidhje me ndërtimet pa leje në Çair.
“Në Makedonska Kamenicë, Ministria e Brendshme po ngre padi penale kundër një qytetari që e rinovoi çatinë e tij. Një çati – padi penale. 150 ndërtesa të paligjshme – asgjë. Kjo është provë e gjallë e drejtësisë selektive dhe mbrojtjes politike të mafies urbane, veçanërisht kur ajo është e lidhur me partnerët e koalicionit të qeverisë”.
“Pse hesht kryeministri Hristijan Mickoski? Sa kohë do të gjunjëzohet para VLEN? A është edhe ai i përfshirë në skemën kriminale? LSDM kërkon një hetim të menjëhershëm, llogaridhënie për të gjithë të përfshirët – pavarësisht nëse janë kryetarë bashkie, këshilltarë apo zyrtarë të lartë të partisë. Nuk duhet të ketë të paprekshëm, pavarësisht nëse janë partnerë të koalicionit të Mickoskit!”, thonë nga LSDM./Telegrafi/
LSDM: Mbi 150 ndërtime pa leje në Çair dhe qeveria hesht, deri kur Mickoski do të gjunjëzohet para VLEN-it appeared first on Telegrafi.
