Gjykata e Lartë sot e “ringjalli” rastin “Talir” për financimin e paligjshëm të OBRM-PDUKM-së, pasi prokurorja publike republikane Anita Topolova-Isajlovska kërkoi që të ndërpritet, përkatësisht gjyqtarët e lartë të anulojnë vendimin me të cilin është miratuar aktakuzë.
“Duke vepruar sipas kërkesës për mbrojtjen e ligjshmërisë të paraqitur nga Prokurori Publik në Prokurorinë Publike të Republikës së Maqedonisë së Veriut KOZ nr.63/24 nga data 28.06.2024, në rastin e njohur në opinion si “Talir”, pas seancës së këshillit, më datë 09.10.2024 është marrë vendim me të cilin kërkesa për mbrojtjen e ligjshmërisë e ngritur nga Prokurori Publik në Prokurorinë Publike Zyra e Republikës së Maqedonisë së Veriut KOZ nr. 63/24 të datës 28.06.2024, kundër aktvendimit të Gjykatës Themelore Shkup 1, KOK-OOA nr. 44/18 од 24, të datës 24.12.2018, refuzohet si e pabazuar”, thuhet në njoftim.
Në kërkesën në Gjykatën së Lartë, prokurori ka kontestuar se PSP është paditëse e autorizuar, pasi akuza ndaj “Talir” është ngritur në nëntor të vitit 2018 dhe afati që ekipi i Katica Janevës kishte për ngritjen e kallëzimit prej 18 muajsh ka skaduar më 30 qershor 2017.
Prokurori iu referua edhe qëndrimit parimor të Gjykatës së Lartë nga viti 2019, sipas të cilit PSP mund të ngrinte “akuza ose të urdhëronte pezullimin e procedurës hetimore për një periudhë jo më të gjatë se 18 muaj”.
Gjykata e Lartë nuk i pranoi këto argumente dhe e hodhi poshtë kërkesën.
Në rastin e financimit të paligjshëm të OBRM-PDUKM-së, “Talir”, akuzohen ish-funksionarët e kësaj partie, gjegjësisht ish-kryeministri Nikolla Gruevski, Kiril Bozhinovski, Mile Janakieski, Ilija Dimovski dhe Leko Ristovski, si dhe partia./Telegrafi/
Gjykata e Lartë “e shpëtoi” rastin “Talir” nga shfuqizimi, vazhdon gjykimi për financimin e paligjshëm të OBRM-PDUKM-së appeared first on Telegrafi.
