Policia është duke kërkuar tre fëmijë nga Shkupi të cilët u raportuan të zhdukur dje. Bëhet fjalë për dy raste të ndara – një fëmijë tetëvjeçar është i zhdukur, si dhe dy motra të moshës 11 dhe 14 vjeç. Zhdukja e fëmijës tetëvjeçar u raportua në polici nga babai i tij.
“Më 01.05.2025 në orën 00.45 në stacionin policor të Karposhit, A.Xh, 55 vjeç nga Shkupi, ka raportuar se djali i tij A.Xh. (8), i cili kishte probleme shëndetësore, ishte larguar nga vendi ku po qëndronin. Po merren masa për gjetjen e personit”, thonë nga Ministria e Brendshme.
Ndërkaq rasti i zhdukjes së dy motrave të mitura është raportuar në polici në Shuto Orizarë.
“Sot (01.05.2025) në njëasin policore Shuto Orizarë, Sh.S. (48) dhe A.A. (40), të dyja nga Shkupi, raportuan se vajzat e tyre A.S. (14) dhe A.A. (11) janë larguar nga shtëpitë”, thonë nga Ministria e Brendshme.
Më shumë detaje rreth kërkimit të këtyre dy vajzave nuk janë ende të njohura për publikun, por policia informon se po merren masa për gjetjen e të dy motrave./Alsat/
Ende asnjë gjurmë nga fëmijët e humbur dje, policia e Shkupit vazhdon kërkimin appeared first on Telegrafi.
