Me rastin e Ditës Botërore të Dhuruesve të Palcës Kockore, Ministria e Shëndetësisë thekson rëndësinë e Regjistrit Kombëtar të Dhuruesve, i cili funksionon në kuadër të Institutit për Imunobiologji dhe Gjenetikë Humane pranë Fakultetit të Mjekësisë – Shkup.
Regjistri Kombëtar, është i vetmi regjistër zyrtar në vend dhe deri më tani ka mundësuar gjithsej 69 transplante për pacientë nga vendi dhe 3 për pacientë të huaj me qeliza nga dhurues shtetas të RMV-së.
Në të janë regjistruar mbi 6.000 dhurues vullnetarë.
Ministri i Shëndetësisë, Azir Aliu, me këtë rast thekson se “çdo dhurues vullnetar i qelizave amë përfaqëson një shpresë për shpëtimin e jetës njerëzore. Ministria e Shëndetësisë mbetet plotësisht e përkushtuar në mbështetjen e Regjistrit Kombëtar të Dhuruesve. Falë solidaritetit dhe humanitetit të dhuruesve, sot kemi pacientë që kanë marrë një shans të ri për jetë.”, tha Aliu.
Ministria e Shëndetësisë shpreh mirënjohje për të gjithë dhuruesit dhe i inkurajon qytetarët që të përfshihen në regjistër, sepse çdo dhurues i ri mund të jetë një shans i ri për jetë.
