“Kur Bashkimi Demokratik për Integrim punonte për të siguruar financimin për Koridorin 8, ata votuan KUNDËR. Kur ne nënshkruam marrëveshjen, ata na akuzuan për marrëveshje kriminale dhe korruptive. Kur filluan punimet, mobilizuan çdo mjet për të na ndalur — me deklarata, fushata, bllokime dhe propagandë të hapur. Por më e rrezikshme dhe e turpshme ishte se nuk e luftuan vetëm si projekt “të shtrenjtë” apo “të dyshimtë””, kështu shprehen nga BDI për vendosjen e gurthemelit të autostradës Tetovë-Gostivar, që siç thonë ata, pushteti aktual që aso kohe ishte opozitë, nuk e pranonte një projekt kapital të tillë
“E shpallën si rrezik për identitetin kombëtar. Si pjesë të një projekti të rrezikshëm për Shqipëri të Madhe. E shndërruan në armë politike për të përhapur frikë, panik dhe ndasi etnike. Për javë të tëra torturuan psikologjikisht qytetarët me pretendimin se ky projekt do ta shkatërronte shtetin. Shkuan aq larg, sa akuzuan edhe aleatët tanë strategjikë — Shtetet e Bashkuara të Amerikës — për përfshirje në një “plan të errët”. Dhe sot? Sot fotografohen para këtij projekti si të ishte i tyre.Sot përpiqen ta shesin si arritje personale, si fitore politike. Kjo nuk është politikë. Kjo është mungesë karakteri. Kjo është hipokrizi.
Ata që e sabotuan nuk kanë as të drejtë morale dhe as të drejtë politike ta përvetësojnë sot.
Përkundrazi, u takon të kërkojnë ndjesë publike për frikën dhe përçarjen që mbollën, për bllokimet dhe gënjeshtrat që shpërndanë ndër vite.
Koridori 8 është vizion.
Është rezultat i punës sonë të palodhshme, i besimit tonë në të ardhmen euroatlantike, dhe i partneritetit të fortë me miqtë tanë amerikanë dhe evropianë.
Populli nuk ka harruar kush ndërtoi dhe kush sabotoi.
Dhe historia do t’i vendosë të gjithë në vendin që meritojnë”, thuhet në reagimin e BDI-së.
BDI: Ne punuam për të siguruar financimin e Korridorit 8, ata që tash fotografohen para këtij projekti, dikur propagandonin që të ndalohet appeared first on Telegrafi.
