Me kërkesë të prokurorit publik dhe në bazë të urdhëresës së gjykatës, është bërë bastisje te ish-zëvendësdrejtori i Ndërmarrjes Publike “Rrugët e Maqedonisë”, Sasho Drango, dhe po ndërmerren veprimet në procedurë para hetimore, njofton Prokuroria.
Po ashtu është duke u kryer edhe kontrolli i celularit të tij.
“Prokurori publik kompetent ka lëshuar edhe disa urdhra për MPB-në, disa prej të cilave ende janë duke u vepruar. Tek i dyshuari është bërë bastisje me kërkesë të prokurorit publik dhe me urdhër të gjykatës. Pas përfundimit të të gjitha veprimeve do të merret vendimi i prokurorit publik”, thonë nga Prokuroria Publike.
Dje u njoftua se Drango është shkarkuar nga posti i zv. drejtorit të NP “Rruga e Maqedonisë”./Telegrafi/
Bastisje dhe ekspertizë mjeko-ligjore në telefonin të ish-zv. drejtorit të NP “Rrugët e Maqedonisë” appeared first on Telegrafi.
