Një aksident i rëndë trafiku ka ndodhur sot në orët e hershme të mëngjesit në rrugën kryesore Gostivar – Kërçovë në të cilin kanë humbur jetën dy shoferë.
Ka ndërruar jetë një burrë 42-vjeçar me inicialet E.Z. nga Kërçova i cili drejtonte automjetin “Audi” me targa të huaja dhe Sh.N (48) nga Kamjani i Tetovës i cili drejtonte automjetin “Shkoda” me targa të Shkupit, përcjell “Alsat”.
Për shkak të aksidentit trafiku në këtë rrugë është mbyllur mëngjesin e sotëm.
Prokurori publik dhe ekipi i Sektorit të Punëve të Brendshme të Gostivarit kanë bërë kontroll në vendin e ngjarjes, pas së cilës qarkullimi është normalizuar./Telegrafi/
Aksident në rrugën Gostivar-Kërçovë, humbin jetën dy persona appeared first on Telegrafi.
