Drejtoria e Policisë së Malit të Zi njoftoi të dielën se pas marrjes së informacionit nga Agjencia e Sigurisë Kombëtare “që ende po verifikohet” për kërcënimet për vrasjen e ish-presidentit Milo Gjukanoviç, ka vendosur të forcojë sigurinë e tij.
“Pas njoftimit për media, Drejtoria e Policisë ka marrë informacionin e duhur nga Agjencia. Theksojmë se besueshmëria e informacionit është ende duke u kontrolluar nga Agjencia e Sigurisë Kombëtare”, tha Drejtoria e Policisë. .
Të shtunën mediat malazeze, duke cituar burime jozyrtare nga zyra e ish-presidentit, njoftuan se një grup kriminal nga një shtet fqinj, së bashku me shërbimin e inteligjencës nga një shtet tjetër fqinj, po planifikojnë të vrasin zotin Gjukanoviç.
Milo Gjukanoviç është themeluesi dhe udhëqësi për një kohë të i Partisë Demokratike të Socialistëve, partisë që ishte në pushtet në Mal të Zi për afro tre dekada.
Partia e tij humbi zgjedhjet e vitit 2020 dhe pas humbjes së zgjedhjeve presidenciale të vitit 2023 nga Jakov Milatoviç, zoti Gjukanoviç u tërhoq nga politika./VOA
