Një ngjarje e rëndë raportohet të ketë ndodhur mbrëmjen e djeshme në Agioi Anargiroi të Greqisë.
Një 28-vjeçare është vrarë nga ish-partneri i saj para komisariatit të policisë. Mediet greke raportojnë se e reja kishte shkuar mbrëmë në komisariat për të kërkuar ndihmë sepse ndihej e rrezikuar nga ish-partneri i saj.
29-vjeçarja fatkeqe kishte shkuar me mikun e saj në komisariat, ndërkohë mësohet se kishte kërkuar që të kthehej në shtëpi me makinën e policisë, pasi kishte frikë.
Por në atë moment në komisariat nuk ndodhej asnjë makinë, e për rrjedhojë e reja doli nga ambientet e policisë për tu kthyer vetë në shtëpi. Por pak metra jashtë komisariatit atë po e priste ish-partneri i saj 39-vjeçar.
Sapo pa ish-partnerin, e reja menjëherë mori në telefon policinë, ku tha “kam frikë”, ndërkohë po kthehej me nxitim për të hyrë në komisariat për të shpëtuar nga ish i dashuri.
Për fat të keq e reja nuk ia doli. Ajo u sulmua për vdekje nga ish-partneri. Pas kësaj ai u vetëplagos në qafë, dhe pak më vonë ndërhyri dhe policia duke e neutralizuar.
28-vjeçarja në vitin 2020 kishte kërkuar urdhërmbrojtje, pas denoncimit se ishte përdhunuar e dhunuar nga ish-partneri që do t’i merre jetën 4 vjet më vonë./vizionplus.tv/
