Kryeministri i Kosovës, Albin Kurti, ka sqaruar pozicionin e Qeverisë në raport me rregulloren e bankës qendrore si dhe i është përgjigjur komunitetit ndërkombëtar cili kërkon shtyrjen e zbatimit te vendimit për ndalimin e dinarit.
“Edhe pse rregullorja ka hyrë në fuqi më 1 shkurt, ne e pranojmë se nevojitet një periudhë tranzicioni. Gjatë këtij muaji, ne do të sigurohemi që të ofrojmë të gjithë informacionin dhe ndihmën e nevojshme që ky tranzicion të jetë sa më i qetë. Në vazhdim, ne gjithashtu zotojmë të nxisim fushatat e komunikimit që trajtojnë këto çështje me ndjeshmërinë që meritojnë”.
Megjithatë Kurti ka nënvizuar se periudha e tranzicionit nuk duhet të keqinterpretohet.
“Pasiguria e shkurtër e hasur gjatë kësaj periudhe nuk duhet të përdoret për përfitime politike. Kjo periudhë ndryshimi vështirësohet jo me zërat e komunitetit serb këtu, por me ndihmën e frikësimit, kur ne, në fakt, duhet të tregojmë maturi dhe qetësi”.
Rregullorja e re , sipas Kurtit, nuk synon të godasë dinari, por kontrollin e fluksit të valutave të huaja brenda territorit të Kosovës.
“Banka Qendrore me të drejtë ka kërkuar që të zyrtarizohen transaksionet informale që ndodhin në dinarë serbë; prandaj ekzistenca dhe vazhdimi i tyre kishte qenë i paligjshëm. Monedha zyrtare e Kosovës është euro dhe rregullorja vjen gati gjashtëmbëdhjetë vjet pas shpalljes së pavarësisë”,
Kryeministri i Kosovës u shpreh se vendimi i bankës qendrore lejon që serbët në praktikë të pranojnë pagesa nga Beogradi, por ato duhet të depozitohen në llogaritë e tyre në euro./vizionplus.tv
