Presidenti i Ukrainës, Volodymyr Zelensky tha se takimi i parë trepalësh mes Shtetet e Bashkuara të Amerikës, Rusia dhe Ukraina do të zhvillohet ditën e nesërme.
Sipas Zelenskyt, ekipi ukrainas do të takohet fillimisht me përfaqësuesit e Shteteve të Bashkuara, ndërsa më pas, duke nisur nga dita e nesërme, do të zhvillohet një takim trepalësh dyditor mes Ukrainës, Rusisë dhe SHBA-së.
Presidenti ukrainas theksoi se Rusia duhet të jetë e gatshme për kompromise. Ai nënvizoi se ndalimi i luftës nuk është një përgjegjësi vetëm e Ukrainës.
“Të gjithë duhet të jenë të gatshëm, jo vetëm Ukraina. Dialogu është më i dobishëm sesa mungesa e tij. Zoti e bekoftë që lufta të ndalet, shpresoj kështu”, deklaroi ai.
/vizionplus.tv
