Të paktën shtatë persona humbën jetën kur një avion mallrash u rrëzua sapo u ngrit nga toka në një aeroport në Louisville, Kentucky.
Ngjarja ndodhi të martën në mbrëmje, tha guvernatori i shtetit.
Tre anëtarët e ekuipazhit të aeroplanit ka të ngjarë të jenë midis të vdekurve, pasi avioni menjëherë pas rrëzimit shpërtheu në flakë.
Të paktën 11 persona të tjerë u plagosën kur avioni u rrëzua.
Banorët aty pranë u urdhëruan të qëndronin brenda për shkak të frikës nga shpërthime të mëtejshme dhe ndotjes së ajrit.
Me destinacion Honolulu, Hawaii ai mbante 38,000 gallonë (144,000 litra) karburant.
Avioni ishte një MD-11F, një avion reaktiv me tre motorë që filloi shërbimin 34 vjet më parë me Thai Airways si avion pasagjerësh, por iu transferua UPS në vitin 2006.
MD-11F u prodhua fillimisht nga McDonnell Douglas, e cila u bashkua me Boeing në vitin 1997. MD-11 janë pak më shumë se 61 metra të gjatë dhe kanë krahë prej 52 metrash, më të vogla se Boeing 747, të cilët janë afërsisht 76 metra të gjatë.
