Kryeministri britanik Rishi Sunak do të rrisë ndihmën ushtarake të vendit të tij për Ukrainën vitin e ardhshëm financiar në 2.5 miliardë paund dhe do të vizitojë Kievin sot, njoftoi Downing Street.
Zyra e Sunak tha se fondet shtesë, 200 milionë paund më shumë se dy vitet e mëparshme, do të ndihmonin Ukrainën të blejë mijëra drone ushtarake, duke përfshirë dronët e vëzhgimit, dronët detarë dhe dronët që mund të kryejnë sulme me rreze të gjatë.
“Unë jam këtu sot me një mesazh: as Britania nuk do të tërhiqet”, tha Sunak në një deklaratë, duke përshëndetur vendosmërinë e Kievit për të mbrojtur territoret e tij kundër agresionit rus.
“Ne qëndrojmë me Ukrainën në momentet e saj më të errëta dhe në momentet më të mira që do të vijnë”, shtoi ai. /vizionplus.tv
